İspaniya milli komandasının futbolçusu Andrés Iniesta mövsümün sonunda "Barselona" klubunu tərk edə bilər. 

Bu barədə 33 yaşlı yarımmüdafiəçinin özü "El Pais"ə açıqlamasında bildirib. Kapitan son zamanlar əvvəllər üzləşmədiyi hallarla qarşılaşmalı olub:

"Hələ də klubumla müqaviləmi uzatmamışam. Mənə tanış olmayan hissləri keçirirəm. Amma fikrimcə, bu, normaldır. İndiki ssenarini 3 il əvvəl təsəvvür belə edə bilməzdim. Artıq "Barsa"dan getməyi planlaşdırıram. Amma əvvəllər bunu etməzdim".