Futbol üzrə Azərbaycan milli komandası FİFA reytinqində 4 pillə geriləyib. Abzas.net xəbər verir ki, FİFA-nın yeni açıqlanan reytinq cədvəlində futbol üzrə Azərbaycan milli komandası 4 pillə geriləyərək 427 xalla 80-ci sırada qərarlaşıb. Ötən ay 439 xalla 76-cı pillədə qərarlaşan yığmanın geriləməsində əsas səbəb Robert Prosineçkinin rəhbərlik etdiyi kollektivin ötən ay 2018-ci il dünya çempionatının seçmə qrup matçında Şimali İrlandiya yığmasına 0:1 hesabı ilə uduzmasıdır.