Çempionlar Liqasında V tura yekun vurulub. Apasport.az saytının məlumatına görə, A, B, C və D qruplarında növbəti matçlar baş tutub.

A qrupunda növbəti mərhələyə vəsiqəni ötən turda təmin edən “Arsenal”la PSJ Londonda üz-üzə gəliblər. Görüş bərabərliklə başa çatıb - 2:2. “Ludoqorets”lə “Bazel” də eyni nəticəyə razılaşıblar. Ancaq bu oyunda qol olmayıb.

B qrupunda autsayder “Dinamo”nu (Kiyev) qəbul edən “Napoli” ukraynalıların müqavimətini qıra bilməyib - 0:0. “Beşiktaş”la “Benfika”nın mübarizəsi isə möhtəşəm olub. “Qartallar”ın 0:3 hesabı ilə geri düşdükləri oyunu 3:3 hesablı bərabərliklə yekunlaşdıra biliblər. Bu nəticə ilə Şenol Günəşin yetirmələri qrupdan çıxmaq şanslarını son tura saxlayıblar.

C qrupunda hər şeyə bu turda aydınlıq gəlib. “Mançester Siti” Mönhenqladbaxda “Borussiya” ilə heç-heçə oynayıb, “Barselona” isə “Seltik”ə səfər görüşündə qalib gələrək növbəti mərhələni təmin ediblər.

D qrupunda növbəti mərhələyə vəsiqəni rəsmiləşdirən “Atletiko” ilə “Bavariya” autsayderlərlərlə qarşılaşıblar. Gözlənilmədən "Rostov"a uduzan "Bavariya" liderliyi PSV-yə qalib gələn "Atletiko"ya təhvil verib.

Çempionlar Liqası

Qrup mərhələsi, V tur

23 noyabr

A qrupu

“Arsenal” (İngiltərə) – PSJ (Fransa) - 2:2

Qollar: Jiru, 45 (pen.), Veratti, 60 (öz qapısına) - Kavani, 18, Moura, 77

“Ludoqorets” (Bolqarıstan) – “Bazel” (İsveçrə) - 0:0

B qrupu

“Beşiktaş” (Türkiyə) – “Benfika” (Portuqaliya) - 3:3

Qollar: Cenk Tosun, 58, Quaresma, 82 (pen.), Abubakar, 89 - Quedeş, 10, Semedo, 25, Feysa, 31

“Napoli” (İtaliya) – “Dinamo” (Kiyev, Ukrayna) - 0:0

C qrupu

“Borussiya” (Mönhenqladbax, Almaniya) – “Mançester Siti” (İngiltərə) - 1:1

Qollar: Raffael, 23 - David Silva, 45

“Seltik” (Şotlandiya) – “Barselona” (İspaniya) - 0:2

Qollar: Messi, 24, 55

D qrupu

“Rostov” (Rusiya) – “Bavariya (Almaniya) - 3:2

Qollar: Azmun, 44, Poloz, 50, Noboa, 67 - Duqlas Kosta, 36, Bernat, 52

“Atletiko” (İspaniya) – PSV (Hollandiya) - 2:0

Qollar: Qameyro, 55, Qrizman, 66