Ukrayna Ali Radası 259 deputat 8 nəfərə qarşı olmaqla İstanbul Konvensiyasının lehinə səs verib. Məişət zorakılığı, qadına qarşı zorakılıqla mübarizəyə yönələn konvensiya Ukrayna tərəfindən 2011-ci ildə imzalanıb. Bundan əvvəl Ukraynadakı mühafizəkar və dindar qruplar sənəddə istifadə edilən “gender” sözünə görə, onun ratifikasiyasına qarşı çıxırdılar. Konvensiyanın ratifikasiyasını bəzi üzv dövlətlər Ukraynanın Aİ-yə namizəd üzv statusu alması üçün zəruri şərt kimi qiymətləndirirlər.