Ukrayna prezidenti Volodimir Zelenski bildirib ki, Mariupolda bloklanan “Azovstal” zavodunu 100-ə yaxın mülki şəxs tərk edib. Onun sözlərinə görə, mayın 2-də onlar Zaporojyedə olmalıdırlar. Zelenskinin sözlərinə görə, təxliyə BMT-nin iştirakı ilə təşkil edilib. Rusiya Federasiyası ilə danışıqlarda Ukrayna nümayəndə heyətinin rəhbəri David Araxamia qeyd edib ki, təxliyə iki gündür davam edən “Azovstal" üzərində ilk atəşkəs” dövründə həyata keçirilir. O, bir çox insanın hələ də təxliyə edilməli olduğunu vurğulayıb. Reuters-in məlumatına görə, təxliyə edilənlər Rusiyanın nəzarətində olan Bezimennoye kəndinə aparılıb. Konvoyda BMT rəmzləri olan avtomobillər iştirak edib. Rusiya Federasiyasının Müdafiə Nazirliyi də öz növbəsində "Azovstal"dan 80 nəfərin təxliyə edildiyini açıqlayıb. Agentlik bir tərəfdən bütün təxliyə edilənlərin Bezimennoe kəndində yerləşdiyini, digər tərəfdən isə Ukrayna hakimiyyətinin nəzarətində olan əraziyə getmək istəyən insanların BMT və Qırmızı Xaç nümayəndələrinə “təhvil verildiyini” bildirib. Hadisələrin bu mənzərəsinə görə, neçə nəfərin Ukraynanın nəzarətində olan ərazilərə getdiyi, neçə nəfərin isə Rusiyanın nəzarətində olan ərazilərdə qaldığı bəlli deyil. Aprelin ortalarında DXR-in rəhbəri Denis Puşilin bildirib ki, “Azovstal”da qeyri-döyüşçülərin olması barədə məlumat “təsdiq edilməyib”.