Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, Rusiya artıq Ukrayna deleqasiyasının danışıqlarda iştirak edək üzvlərinə etibar etmir. TASS xəbər verir ki, Zaxarova bunu “Rossiya 24” telekanalının efirində deyib. “Burada “etibar et və yoxla” kimi deyil, burada sadəcə “yoxla”dır, çünki bu insanlara uzun müddətdir ki, etibar yoxdur”. Zaxarovanın sözlərinə görə, Ukrayna tərəfi danışıqların aparılmasını xahiş edib, Rusiya isə “bu xahişdən imtina etməyib”. "Sonra, həmişə olduğu kimi, hərfi və məcazi mənada, Kiyev rejimi tərəfindən bir sirk başladı: gah gəlirlər, gah gəlmirlər, gah iştirak edirlər, gah da iştirak etmirlər", Rusiyanın XİN-in rəsmi nümayəndəsi deyib. O, əlavə edib ki, Rusiyada Ukraynanın danışıqlar zamanı qeyri-sabit davranacağına hazır olublar. Zaxarovanın sözlərinə görə, danışıqların bu cür gedişi “rejimin müstəqil olmadığını, ona nəzarət edildiyini”, danışıqların isə “diversioner manevri kimi istifadə edildiyini” göstərir.