Slovakiya Ukraynaya S-300 zenit-raket sistemləri verib. Bu barədə baş nazir Eduard Heqer Twitter hesabında bildirib. "Slovakiyanın Ukraynanı S-300 hava hücumundan müdafiə sistemi ilə təmin etdiyini təsdiq edirəm. Ukrayna xalqı həm öz suveren ölkəsini, həm də bizi cəsarətlə müdafiə edir. Bizim borcumuz kömək etməkdir, rus təcavüzünün nəticəsi olan insan itkisinə məhəl qoymamaq və buna biganə qalmaq deyil”, - deyə o yazıb. https://twitter.com/eduardheger/status/1512386024399376389?ref_src=twsrc%5Etfw%7Ctwcamp%5Etweetembed%7Ctwterm%5E1512386024399376389%7Ctwgr%5E%7Ctwcon%5Es1_&ref_url=https%3A%2F%2Fwww.currenttime.tv%2Fa%2Fslovakiya-peredala-ukraine-protivoraketnyye-sistemy-s-300%2F31793017.html ˝Noviny.sk˝ telekanalının məlumatına görə, hava hücumundan müdafiə sistemi artıq Ukraynadadır. S-300-lərin iki gün ərzində məxfi şəkildə gətirildiyi bildirilir. Slovakiyanın müdafiə naziri Yaroslav Nad mart ayında Patriot hava hücumundan müdafiə sisteminin yerləşdirilməsinə cavabdeh olan NATO bölmələrinin ölkəyə gəldiyini bildirib. Bundan əvvəl o, Bratislavanın Slovakiya ordusunun əvəzedicisini alması şərti ilə S-300 sistemini Ukraynaya verməyə hazır olduğunu demişdi. Ukrayna prezidenti Volodimir Zelenski martın 16-da ABŞ Konqresində çıxışı zamanı Vaşinqtondan Ukraynanın ərazisi üzərində uçuşa qadağa zonası yaratmaq əvəzinə, S-300-lər və digər hava hücumundan müdafiə sistemləri verməsini istəyib. "Siz bilirsiniz ki, döyüş meydanında nə qədər şey təyyarələrdən istifadə etmək bacarığından asılıdır", - Zelenski deyib. CNN mənbələrə istinadən xəbər verir ki, NATO ölkələri Ukraynaya hündürlüyü S-300-dən az olan, lakin qanadlı raketləri vurmağa qadir olan Sovet hava hücumundan müdafiə sistemləri göndərib. S-300-lər 1980-ci illərdən bəri Slovakiyada xidmət edən Sovet istehsalı olan hava hücumundan müdafiə sistemləri, qanadlı raketləri, eləcə də yüzlərlə kilometr uzaqlıqdakı döyüş təyyarələrini vura bilən uzun mənzilli raketlər buraxır.