Rusiya ilə Ukrayna arasında növbəti danışıqlar Türkiyədə olacaq. Bu barədə Türkiyə prezidenti Rəcəb Tayyib Ərdoğan və Rusiya prezidenti Vladimir Putin telefon danışığı zamanı razılığa gəliblər. 

Müzakirələrin martın 28-30-da keçirilməsi nəzərdə tutulur. Ukrayna prezidenti Vladimir Zelenki keçiriləcək görüşlə bağlı açıqlama verib. Prezident bildirib ki, qarşıda danışıqların yeni raundu var, biz hələlik sülhə səy göstəririk. "Bizim prioritetlərimiz məlumdur. Ukraynanın suverenliyi və ərazi bütövlüyü şübhə doğurmur. Dövlətimiz üçün mövcud təhlükəsizlik təminatları məcburidir. Aşkar və məqsədimiz Ukraynada sülh və normal həyatın mümkün qədər tez bərpa olunmasıdır”, - Volodimir Zelenski əlavə edib.