Şimali Makedoniya 5 rus diplomatını ölkədən göndərəcək. Bu barədə ˝Azad Avropa Radiosu˝ məlumat yayıb. Diplomatların adları və vəzifələri açıqlanmır. Şimali Makedoniya hakimiyyətinin fikrincə, onların fəaliyyəti “diplomatik normaları” pozub. Rusiyanın Skopyedəki səfirliyindən bildiriblər ki, artıq missiyaya bu qərarla bağlı məlumat verilib. "Cavab adekvat olacaq", səfirlikdən "İnterfaks"a deyilib. Bundan əvvəl Şimali Makedoniya rus diplomatlarını 2021-ci ildə (müxtəlif vaxtlarda iki nəfər) və 2019-cu ildə (bir nəfər) ölkədən çıxarıb.