Rusiya vətəndaşlarının Avropa İttifaqı (Aİ) ərazisinə girişi qadağan oluna bilər. Bu təkliflə Polşanın Baş naziri Mateuş Moravetski çıxış edib.

Moravetski Rusiyaya qarşı sanksiyalar çərçivəsində bütün rusiyalılara vizaların verilməsini dayandırmağı təklif edib.

Bundan əvvəl xarici işlər naziri Eva-Mariya Liimet ölkə hakimiyyətinin Rusiya vətəndaşlarına viza verilməsini müvəqqəti dayandırmaq qərarına gəldiyini bildirib.

Rusiyanın Aİ-dəki daimi nümayəndəsi Vladimir Çijov bildirib ki, Rusiya vətəndaşlarına turist vizalarının verilməsinə qadağa nəzəri cəhətdən Aİ-nin yeni sanksiyalar paketinə daxil edilə bilər, lakin belə bir addım Avropa ölkələrinin iqtisadiyyatına zərbə vuracaq.